Институт ұсынатын өндірістік радиациялық бақылау келесідей:

– жұмыс орындарында өндірістік радиациялық бақылау жүргізу (гамма-сәулелердің ЭДҚ, радонның ЭТКБ, ұзақ өмір сүретін альфа белсенді радионуклидтердің көлемдік белсенділігін, альфа – және бета – бөлшектер ағындарының тығыздығын, жұмыс орындары бетінің радиоактивті ластануын, радионуклидтер белсенділігінің жеке қорғаныс құралдарындағы ластануын өлшеу);

– ДКС-96, РКС-01-СОЛО, Рамон-02а, “Гамма-Сенсор” автомобиль зертханасының көмегімен жергілікті жердің географиялық координаттарына байланыстыра отырып, кәсіпорындардың санитариялық қорғаныш аймағының артындағы аумақтың радиациялық жағдайын бағалау;

-Радиобиология және радиациялық қорғау институтында (Нұр-сұлтан қ.) орналасқан ақпараттық деректер базасында USB-модемі бар портативті ноутбук көмегімен далалық экспедициялық топтың нәтижелерін енгізу және өңдеу;

– радиациялық жағдайдың алынған нәтижелеріне және радиациялық қауіпті төмендету жөніндегі іс-шараларға талдау жүргізу.

Ғылыми және (немесе) ғылыми-техникалық қызметтің ұсынылатын нәтижесі бизнес проблемасын шешеді.

Радиациялық бақылау және сәулеленуді мүмкіндігінше төмен деңгейге дейін төмендету жөніндегі мақсатты іс-шараларды жүзеге асыру мұнай-газ өндіруші кәсіпорындар қызметкерлерінің денсаулығын сақтау және жақсарту проблемаларын шешуге және кәсіпорын мен ел экономикасының дамуына ықпал ететін адами еңбек ресурстарын дамытуға ықпал ететін болады.

Әзірленген әдістемеге сұраныс еліміздің мұнай өндіруші кәсіпорындарындағы (100-ден астам) радиациялық жағдайдың зерттелмегендігінде және тиісінше олардың көпшілігінде қажетті радиациялық мониторинг жүргізілмегендігінде. Өндірілген мұнай құрамындағы радионуклидтердің мөлшеріне байланысты жұмыс орындарындағы радиациялық ластану деңгейі және ықтимал жеке дозасы өзгереді. Өндірістік радиациялық бақылауды жүргізу радиациялық тәуекелді төмендетуге және мұнай өндіруші кәсіпорындардағы жұмысшылардың радиациялық қауіпсіздігін қамтамасыз етуге мүмкіндік береді.